A ju kujtohet Realme GT Neo 5 që theu rekordet e karikimit me 240W disa javë më parë?

Redmi e ka lënë në hije Realme GT Neo 5 duke shtuar shpejtësinë e karikimit në 300W.

Filiali i Xiaomi në mes të MWC 2023, ka prezantuar tashmë teknologjinë e fundit, e cila karikon plotësisht një telefon celular në më pak se 5 minuta.

Në demonstrimin që ai publikoi ai përdori një Redmi Note 12 Discovery të personalizuar me një bateri 4,100 mAh (e zakonshme ka një bateri 4,300 mAh). Në video duket se arrin 50% të baterisë brenda 2 minutave dhe 12 sekondave. 

Vlen të theksohet se pavarësisht faktit që pretendon të arrijë 300 W të karikimit, në video matësi tregoi se ai arriti kulmin në pak më shumë se 290 W. 

Në fakt, ky karikues vjen në të njëjtën madhësi si karikuesi i shpejtë i gjeneratës së mëparshme prej 210 W, falë një dizajni më të mirë dhe shpërndarjes së nxehtësisë brenda tij. Gjithashtu ka teknologjinë Double GaN me mbi 50 valvola sigurie në të. 

Sigurisht, Xiaomi nuk përmendi se në cilin smartphone do ta shohim së pari këtë teknologji të karikimit të shpejtë.