Një “thesar” me kujtime të familjes mbretërore është zbuluar së fundmi nga mediat ndërkombëtare.

Fotot private të papara më parë të princeshës së ndjerë Diana dhe bashkëshortit të saj të atëhershëm Mbretit Charles III si prindër të rinj me djalin e tyre Princin William do të dalin në ankand muajin e ardhshëm.

Në foto shfaqet edhe mbretëresha Elizabeth II. Fotot u shkrepën në shtator 1982, kur William, Princi i ri i Uellsit dhe trashëgimtari i fronit, ishte rreth 3 muajsh dhe dy vjet para se të lindte vëllai i tij Princi Harry.

Familja mbretërore shfaqet në Kështjellën Balmoral në Skoci, e preferuara në mesin e rezidencave të mbretëreshës. Monarkja kishte pushuar atje çdo vit me të dashurit e saj në fund të verës dhe fillim të vjeshtës dhe vdiq atje në moshën 96-vjeçare në shtator 2022.

Fotot tregojnë gjithashtu familjen me mikun e tyre John King, Baron King of Wartnaby, një zyrtar i British Airways.

Fotografitë, së bashku me negativët e tyre origjinalë, do të shiten në ankand nga Willingham Auctions në Kembrixh më 4 mars.