Edhe pse nuk qëndroi shumë në BBVA, Diola Dosti ndau me të gjithë historinë e saj. 

Ajo rrëfeu historinë e saj të dashurisë, divorcin, vështirësitë që kishte kaluar si një nënë single me 3 vajzat e saj. Në një debat me Luizin ajo përmendi edhe ish-bashkëshortin me partneren e tij të re duke thënë shprehjen që u diskutua shumë se “ata fërkojnë barkun kur e shohin keq”. 

E ftuar në Top Albania Radio, ndër të tjera Diola ka zbuluar edhe se cfarë ka folur me ish-bashkëshortin pas daljes nga reality-show. Ajo u shpreh se fillimisht i ka dërguar një mesazh atij ku i kishte kërkuar ndjesë nëse kishte thënë ndonjë fjalë që e kishte prekur, ndërsa e kishte falenderuar edhe që ishte kujdesur për vajzat gjatë kësaj kohe.  

Ndërsa përgjigja e tij ishte: “Nuk ke përse më kërkon ndjesë, ishte shumë mirë në lojë”. 

Sipas saj ata edhe janë takuar këto ditë dhe ai i kishte shtrënguar dorën, si rrallëherë kohët e fundit, dhe e kishte parë me shumë dashamirësi, duke i lënë të kuptojë se cdo gjë mes tyre ishte mëse në rregull.