Eduard Zaloshnja dje ka publikuar sondazhin e tij të radhës me një kampion, me temë “Sa vota marrin në Tiranë, Veliaj, Këlliçi dhe Shehi”, për të cilin ka nxjerrë rezultatet e tij për Bashkinë e Tiranës.

Por çudia qëndron në faktin se Eduard Zaloshnja më shumë si ekspert ka funksionuar si rilindas.

Së pari, për faktin se ai si kampion ka marrë 3 kandidatë nga të cilët 1 prej tyre nuk kandidon.

Së dyti, kujdeset që rezultati i Erion Veliajt të jetë i thellë dhe me diferencë te dukshme për publikun.

Në fakt rilindasi, Zaloshnja thjesht ka treguar se gara e Tiranës nuk është aq e thjeshtë sa duket.

Kjo për faktin se votat e Belind Këlliçit dhe Dashamir Shehit shkojnë së bashku 45 % dhe dihet që fushata gjithmonë ngre opozitën.

Erion Veliaj te shifrat 55 % nuk duket ndonjë surprizë e madhe me gjendjen që ka opozita. Pa folur më tej për disa kandidatë të tjerë në garë, ai Arjan Galdini apo Lajla Përnaska që thjesht ndihmojnë kryebashkiakun në detyrë, në këtë garë.

Rilindasi Zaloshnja thjesht na tregoi se diferenca e Veliajt me opozitën është diku tek 10 % diferencë, e cila nuk është as e frikshme, as e madhe dhe as e papërmbysshme, ndryshe nuk do të kishte pse të ndahej në dy emra përfaqësimi i opozitës, njëri prej të cilëve nuk është aspak në garë.