Darka me Ramën kushtoi 10 mijë dollarë

“I thashë FBI-së të hetonte”, ish-e dashura e Mcgonigal: Darka me Ramën kushtoi 10 mijë dollarë

Ish-e dashura e Mcgonigal, Allison Guerriero ka nxjerrë detaje të tjera për marrëdhënien e Mcgonial me kryeministrin Rama.

Në intervistën me median “One America News”  ajo ka treguar për takimet që ata bënin, ku darka kushtonte 10 mijë dollarë. Guerreiro tha ndihej e befasuar dhe nuk e mendonte se Mcgonigal do të ishte tradhtar.

“Isha shumë e befasuar, shumë e zhgënjyer. Ishte e lehtë për të të më tradhtonte mua dhe familjen e tij. Nuk e mendoja kurrë se do tradhtonte vendin e tij. Besoj se ai është tradhtar.”

Ajo foli dhe për bisedën që kishte pasur me FBI-në, të cilët e kishin besuar rrëfimin e saj.

 “U thashë të shihte punët që po bënte në Shqipëri” tha ajo. “Mendoja se fillonte dhe mbaronte me Shqipërinë. Nuk e dija se ishin të përfshirë edhe pjesa tjetër e Ballkanit, sigurisht nuk e dija që mund të ishin përfshirë edhe rusët.”

“Ata më besuan. Në fund të nëntorit të vitit 2021, ata trokitën në derën time. Më pyetën sa shpesh kishte shkuar Charlie në Shqipëri, sa herë ishte shoqëruar me kryeministrin Edi Rama, kur ishte këtu në asamblenë e OKB. Charlie më tha, nuk e di a mund t’i besoj më ato që thoshte ai, që e çoi kryeministrin Rama në restorantin St. George dhe se darka kushtoi 10 mijë dollarë.”

Në lidhje me persona të tjerë të përfshirë Guerrero tha me bindje se ka të tjerë, duke qenë se FBI do të rikthejë besueshmërinë.

“Unë besoj se ai është tradhtar, mendoj se numri i akuzave ndaj tij do të rritet”. “Jam thuajse e sigurt se do të ketë akuza shtesë, sidomos me mashtrimin me taksat. Kështu e kapën edhe Al Kaponen.”