Mix
Austin Butler rrëfen sakrificat që bëri për t’ju përshtatur rolit të tij si Elvis Presley
Kur iu tha se duhej të shtonte peshë për të luajtur versionin më të ri të Presley-t, ai e dinte se duhej ta bënte dhe e gjeti zgjidhjen. Zgjidhja e tij? Duke pirë akullore të shkrirë në mikrovalë.
“Është argëtuese për një javë”, tha ai në një intervistë me Variety. “Dhe pastaj ndihesh tmerrësisht keq me veten. Ne kishim planifikuar që në fillim të bënim xhirime më herët. Por ishte thjesht e pamundur, për shkak të pandemisë”.
Përveç akullores, Butler, i cili fitoi një Golden Globe për aktorin më të mirë në një film, ndau në intervistë se do të blinte edhe dy duzina donuts dhe do t’i hante të gjitha. Nga donut, bashkë me akulloren e shkrirë, trupi i Butlerit ndryshoi. “Unë me të vërtetë fillova të fitoja disa kilogramë,” tha ai.
Butler shpjegoi se Ryan Gosling ishte frymëzimi pas taktikës së shtimit të peshës me akulloren e shkrirë.
