Ndryshimet e temperaturës dhe shkurtimi i ditës në dimër bën që njerëzit të flenë më shumë në përgjithësi dhe në veçanti në fazën REM ku ata ëndërrojnë, sipas një studimi të ri shkencor gjerman.

Studimi tregon se koha totale e gjumit ishte mesatarisht rreth një orë më e gjatë në dimër sesa në verë.

Gjithashtu, koha e gjumit në fazën REM (Rapid Eye Movement), kur njerëzit priren të shohin ëndrra, u zbulua se ishte 30 minuta më e gjatë në dimër sesa në verë.

Gjumi normal fillon me fazat e njëpasnjëshme të gjumit jo-REM të ndjekura nga periudha të gjumit REM zakonisht me pushime në mes.

“Studimi ynë tregon se arkitektura e gjumit të njeriut ndryshon ndjeshëm nga sezoni në sezon në një popullatë të rritur, duke jetuar në një mjedis urban. Në përgjithësi, njerëzit duhet t’i përshtatin sezonit zakonet e tyre të gjumit, duke përfshirë kohëzgjatjen dhe orarin e tyre, rregullimin e orarit të shkollës dhe të punës për të përmbushur nevojat e gjumit të çdo sezoni”, tha studiuesi gjerman Kuntz.