Presidenti francez Emmanuel Macron deklaroi se nuk dëshiron ta shohë Rusinë të shtypur nga një disfatë në Ukrainë.

Duke folur për mediat franceze, Macron u kërkoi vendeve perëndimore të rrisin mbështetjen ushtarake për Kievin dhe tha se ai ishte i përgatitur për një luftë të zgjatur.

“Unë dua që Rusia të mposhtet në Ukrainë dhe dua që Ukraina të jetë në gjendje të mbrojë pozicionin e saj,” tha ai.

Por ai ‘sulmoi’ ata që uduan ta shtrijnë luftën në Rusi dhe të dëmtojnë kombin.

Komentet erdhën pasi liderët botërorë u mblodhën në Konferencën e Sigurisë në Mynih, e cila pa premtime për të përshpejtuar furnizimin me armë në Kiev dhe për të vendosur sanksione më të ashpra ndaj Moskës.

“Unë nuk mendoj, siç bëjnë disa njerëz, se ne duhet të synojmë një humbje totale të Rusisë, duke sulmuar Rusinë në tokën e saj”, tha Macron. “Ata vëzhgues duan, mbi të gjitha, të shtypin Rusinë. Ky nuk ka qenë kurrë qëndrimi i Francës dhe nuk do të jetë kurrë qëndrimi ynë.”