Radar
Edhe Lajla Përnaska, do të garojë për Bashkinë e Tiranës
Erjon Veliaj dhe Lajla Përnaska gjatë një takimi të rastësishëm
Ish-deputetja e Partisë Demokratike, Lajla Përnaska deklaroi se do të rikthehet në politikë.
Përnaska u shpreh se rruga e vetme për t’u kthyer në politikë dhe për të dhënë një kontribut real, është kandidimi për Bashkinë e Tiranës.
Po ashtu Përnaska nënvizoi edhe se nuk ka rëndësi për të sigla me të cilën do të garojë, duke lënë të nënkuptojë se mund të jetë edhe kandidate e pavarur.
“Rruga e vetme për të dhënë një kontribut real është kandidimi për kreun e Bashkisë së Tiranës. Sigla është çështje teknike, për mua nuk ka rëndësi sigla.
Për mua ka rëndësi impenjimi, përgjegjësia dhe në respektim të rregullave dhe sistemit që kemi në fuqi, ne të japim kontribut. Unë jam e gatshme të jap kontributin tim për Tiranën. E njoh shumë mirë Tiranën dhe problematikat e saj”, theksoi ajo në një intervistë për “Euronews Albania”.
Lajla Përnaska, ka mbajtur edhe detyrën e të dërguarës së PD-së për organizimin e strukturave partiake në Njësinë Administrative Nr.2 në kryeqytet.
