Marc Anthony dhe Nadia Ferreira do bëhen prindër së shpejti.

Çifti njoftoi se ata po presin fëmijën e tyre të parë së bashku vetëm dy javë pasi kurorëzuan dashurinë e tyre në martesë.

“Dhurata më e mirë e Shën Valentinit!!! Faleminderit Zot për këtë bekim të madh në jetën tonë.” -shkruan ata të martën në një postim të përbashkët në Instagram, të shkruar në spanjisht.

Në foto, të porsamartuarit shiheshin me duart e tyre – dhe unazat e diamantit- sipër barkut të rrumbullakosur të Ferreira-s ndërsa ishin shtrirë në shtrat.

Lajmi vjen më pak se një muaj pasi këngëtari 54 vjeçar dhe modelja 23 vjeçare u martuan në një martesë luksoze në Miami. Çifti, i cili nisi romancën në fillim të vitit 2022, u martua vetëm tetë muaj pasi muzikanti u ul në gjunjë në maj. Përpara se të takonte bukuroshen brune, Anthony ishte i martuar me Dayanara Torres (2000 – 2004), Jennifer Lopez (2004-2014) dhe Shannon De Lima (2014-2017).

Ai ka binjakët 14-vjeçarë, Emme dhe Max me Lopez, vajzën Ariana, 29 vjeç dhe djalin Chase, 27 vjeç, me Debbie Rosado. Ai dhe Torres janë gjithashtu prindër të djemve Cristian, 22 vjeç dhe Ryan, 19 vjeç.