Jet Shark, motori i ujit që mund të kthehet në nëndetëse për katër persona

Quhet Jet Shark dhe është një motor uji i cili mund të kthehet në një nëndetëse në formë peshkaqeni e ideuar nga Rob Innes dhe Dan Piazza.

Është një version detar i motorit Corvette V8, i cili, sipas Innes, është i mjaftueshëm për të lejuar që motori i ujit të zhytet në det, të rrotullohet dhe të rrëshqasë. Nëndetësja mund të mbajë brenda katër pasagjerë (përfshirë pilotin) në kabinën e gjerë me ajër të kondicionuar dhe sediljet prej lëkure të veshur me susta.

Dyert e krahëve hapen dhe mbyllen lehtësisht falë një levë të vendosur pranë anës së drejtuesit.

Innes thotë se nëse pilotët duan ta trajtojnë Jet Shark si një anije normale për një lundrim relaksues dhe se ata mund t’i lënë dyert hapur pa probleme.

Nëse, nga ana tjetër, duan të bëjnë të kundërtën dhe janë gati për një udhëtim të çmendur dhe argëtues si nën dhe mbi ujë, mbyllja e dyerve është e domosdoshme.

Jet Shark noton mirë dhe dizajni i tij e pengon atë të fundoset plotësisht. Krahët e vogla anësore ndihmojnë që të mos rrokulliset dhe e kthejnë në pozicionin e tij origjinal.

Kur është nën ujë, Jet Shark lejon të shijohet peizazhi i detit dhe falë kamerës së instaluar në qendër të sipërme të automjetit, piloti mund të shohë se çfarë po ndodh në sipërfaqe, duke shmangur aksidente të tilla si përplasja me një varkë tjetër ose një notar.

Ekipi Jet Shark thotë se modeli është ende në zhvillim, por pronarët e mundshëm mund të shprehin interesin e tyre për zhytësin në faqen e tyre të internetit.

Çmimi ende nuk dihet, por modeli i mëparshëm, Seabreacher ishte midis 80 mijë dhe 100 mijë dollarë.