Sipas “Variety”, pjesa e dytë e filmit “Knives Out” është shikuar plot 127 milionë orë në Netflix brenda 10 ditëve të para nga publikimi, duke tejkaluar filma si “The Grey Man” dhe “Bird Box”.

Kur ishte lansuar më 23 dhjetor, menjëherë arriti në kuotën e 82.1 milionë orëve të shikuar.

Filmi është në rrugë të mirë të parakalojë madje edhe “Red Notice” dhe “Don’t Look Up”, të cilët janë i pari dhe i dyti respektivisht, më të popullarizuarit në platformë.

Filmi flet për miliarderin Miles Bron (luajtur nga Edward Norton), i cili fton pesë miqtë e tij të afërt për të zgjidhur një mister vrasjeje në Ishullin e tij privat në Greqi.

Mirëpo, gjërat shpejt shkojnë keq kur një prej miqve të tij helmohet, dhe detektivi Benoit Blanc (Daniel Craig) vendoset për zgjidhjen e çështjes.

Filmi ishte publikuar fillimisht në kinema në nëntor dhe filloi të transmetohet ekskluzivisht në “Netflix”, para Krishtlindjeve.

Por, pavarësisht orëve të jashtëzakonshme të shikueshmërisë, regjisori Rian Johnson beson se pjesa e dytë do të përfitonte më shumë nëse do të transmetohej më gjatë nëpër kinema.

“Do të doja të ishte më gjatë [në kinema]”, tha Johnson në një intervistë për “The Athlantic”.

“Por gjithashtu, e vlerësoj që ‘Netflix’ e ka bërë këtë, sepse ishte përpjekje e madhe nga ta, dhe zinxhiri i kinemave, për ta materializuar. Shpresoj të ketë shumë sukses në mënyrë që të vazhdojmë ta demonstrojmë se mund ta komplementojnë njëri-tjetrin”.

Johnson gjithashtu shpjegoi pse i pëlqen t’i shoh më shumë nëpër kinema se në platforma transmetuese.

“Ka të bëjë me atë që të kesh një turmë njerëzish përreth duke qeshur dhe duke reaguar.

“Sepse këta filma janë projektuar për këtë”.

Por, të jemi të sigurtë, kjo nuk do të jetë pjesa e fundit e filmit, derisa Johnsonz buloi se ai tashmë ka thurur plane për të tretin.

I pyetur për pjesën e tretë, Johnson tha: “Sapo kam filluar të përmbledh dhe të gjej çka do të jetë më interesante, të gjej atë që do të jetë e frikshme në mënyrën e duhur.

“Çka do të jetë ajo që do të dallojë krejtësisht nga ky film? Njëjtë siç ishte ndryshe ky film nga i pari”.