Ky është projekti i jetës i Kate Middleton

Princesha e Uellsit ka thënë se “është më e rëndësishme se kurrë” që të mbështesim zhvillimin e fëmijëve të vegjël.

Fushata Shaping Us synon të ndërgjegjësojë shoqërinë për rëndësinë e fëmijërisë së hershme në formësimin e moshës madhore dhe shoqërisë në tërësi.

Projekti afatgjatë, i nisur nga Qendra e Fondacionit Mbretëror për Fëmijërinë e Hershme, thuhet se është “vepra e jetës” e Kate, e cila shpreson se do të ndikojë në qëndrimet ndaj fëmijëve në periudhën e hershme të jetës së tyre.

Princesha tha: “Mënyra se si ne zhvillohemi, përmes përvojave, marrëdhënieve dhe rrethinave tona gjatë fëmijërisë sonë të hershme, në thelb i jep formë gjithë jetës sonë. Ajo ndikon në gjithçka, nga aftësia jonë për të krijuar marrëdhënie dhe për të lulëzuar në punë, në mirëqenien tonë mendore dhe fizike si të rritur dhe mënyrën se si ne prindërojmë fëmijët tanë.”

Një zëdhënës i Kensington Palace tha se rëndësia e zhvillimit të viteve të hershme do të jetë fokusi kryesor për princeshën për pjesën tjetër të jetës së saj.