Netflix konfirmon: Tre të plagosur në xhirimet e reality show “Squid Game”

Tre persona morën kujdes mjekësor gjatë xhirimeve të reality show-t të bazuar në serialin “Squid Game”, konfirmoi kompania Netflix.

Edhe pse shumë media botërore raportuan se kishte pjesëmarrës të plagosur rëndë, shërbimi streaming pretendon se deklarata të tilla janë të pasakta.

Reality show “Squid Game: The Challenge” bazohet në një premisë të ngjashme me serialin më të ndjekur në Netflix dhe i ofron fituesit një çmim të madh në para, por humbësit, ndryshe nga hiti i Koresë së Jugut, nuk paguajnë me jetën e tyre për “zbritjen”.

Tabloidi britanik “Sun” foli me një pjesëmarrës anonim të atij reality show, i cili pohoi se për shkak të temperaturave të ulëta në studion e Cardington, shumë garues kërkuan ndihmë mjekësore që në ndeshjen e parë të “Red Light, Green Light”.

“Edhe me hipotermi, shumë ishin të gatshëm të qëndronin për aq kohë sa të ishte e mundur, sepse kishte shumë para në lojë. Shumë prej tyre ishin të vendosur të mos lëviznin, kështu që ata qëndruan atje për një kohë të gjatë. Kishte njerëz që erdhën duke menduar se do të bëhen milionerë, por ata u larguan me lot”, tha bashkëbiseduesi anonim i tabloidit.