Shtatë herë kampioni i Formula 1, Lewis Hamilton, ka pranuar se ka qenë viktimë e racizmit edhe kur ishte nxënës. Siç tha ai për podkastin “On Purpose”, vitet e tij të shkollës ishin “vitet më traumatike dhe më të vështira” të jetës së tij, duke thënë se atij iu hodhën banane dhe e quajtën “Ziku”.

“Unë kam qenë viktimë e bullizmit që në moshën gjashtë vjeçare. Në këtë shkollë unë isha një nga tre fëmijët me ngjyrë të ndryshme lëkure dhe fëmijët më të mëdhenj e më të fortë më hidhnin banane dhe më thërrisnin “negro”. Ishte e vështirë që njerëzit më quanin bastard dhe të mos dija se ku bëja pjesë”, tha shoferi britanik.

Duke vazhduar me atë që ka përjetuar si student, 38-vjeçari Hamilton tha gjithashtu se “në shkollën e mesme ishin gjashtë apo shtatë nxënës me ngjyrë nga gjithsej 1200 fëmijë dhe tre prej nesh na dërgonin vazhdimisht në zyrën e drejtorit. Ndjeva sikur sistemi ishte kundër meje dhe unë po notoja kundër valës”.

“Ishin shumë gjëra që unë i shtypa. Nuk ndjeva se mund të shkoja në shtëpi dhe t’u tregoja prindërve të mi se këta fëmijë më quanin ‘zezak’ ose më ngacmonin ose më rrihnin çdo ditë, nuk doja që babai im të mendonte se nuk isha i fortë”, shtoi Hamilton.

Lewis Hamilton, i vetmi pilot me ngjyrë në F1 në vitet e fundit, ka themeluar organizatën Mission 44 me synimin për të mbështetur njerëzit nga grupet vulnerabël.