Antibiotiku është një nga ilaçet që lufton infeksionin në trup. Ndonjëherë është e domosdoshme që si fëmijët dhe të rriturit ta marrin këtë ilaç, por gjithmonë me recetën e mjekut.

Ftohja e zakonshme, gripi sezonal dhe infeksioni Covid-19 kanë kryesisht një simptomatologji të zakonshme, si ethe, dhimbje të fytit ose rrjedhje hundësh. Këtë vit janë regjistruar edhe viruse të tjera të frymëmarrjes që shkaktojnë ndër të tjera bronkiolite dhe otitis. Mjekët dhe farmacistët përballen me një kërkesë të shtuar për antibiotikë edhe në rastet kur administrimi i tyre nuk indikohet.

Pra, në cilat raste janë të dobishëm antibiotikët?
Zakonisht kur keni ftohje të zakonshme, rrjedhje hundësh, dhimbje fyti, Covid-19, bronkit në gjoks te fëmijët dhe të rriturit e shëndetshëm, nuk duhet të merret antibiotik. Kur bëhet fjalë për infeksion të veshit të mesëm mjeket janë në mëdyshje nëse duhet të merret apo jo ose varet nga rëndesa e infeksionit. Ndërsa kur bëhet fjalë për streptokok në fyt dhe kollë e rëndë atëherë duhet të merret me patjetër, por gjithmonë me recetë mjeku që edhe e di se çfarë antibiotiku është më i miri në këtë rast.