Kardashian ligjëroi para studentëve të biznesit për gati dy orë, mbi biznesin e saj i cili u vlerësua në 3.2 miliardë dollarë vetëm një vit më parë, por shumë komentues kritikuan Harvardin dhe thanë se ajo është e pa shkollë dhe madje nuk ka as talent

Kim Kardashian ishte e ftuar në Shkollën e Biznesit të Harvard të premten si një ligjëruese për të folur mbi suksesin e biznesit të saj shumë miliardë dollarësh të veshjeve të formës “SKIMS”. Por komentet e njerëzve në rrjetet sociale, sipas asaj që raportojnë mediat amerikane, nuk e mirëpritën praninë e saj, si lektore në një prej universiteteve elitare të botës.

Mediat shfaqën interes ndërsa ylli i spektaklit dhe bashkëthemeluesi i SKIMS, Jens Grede, mbërritën për të biseduar me studentët e Universitetit, në Boston, të regjistruar në kursin Moving Beyond Direct to Consumer, konfirmoi përfaqësuesi i saj për The Post.

NBC10 Boston raportoi se Kardashian iu dha rëndësia e duhur për fjalimin e saj gati dy-orësh, mbi biznesin e saj i cili u vlerësua në 3.2 miliardë dollarë vetëm një vit më parë.

Pavarësisht kësaj, komentuesit e Twitter-it sulmuan Kim – ashtu sikurse edhe Harvardin – duke thënë se kishin ftuar një biznesmen pa “arsim” dhe “pa talent” .

“Kjo është qesharake. Kim Kardashian nuk mund të flasë në Harvard”, shkroi një kritik për të, e cila u bë fillimisht e famshme me format e trupit që publikonte në rrjetet sociale dhe me pamjen e saj.  Ligjërimi i saj zgjati për rreth një orë e 45 minuta.

“Kim Kardashian ka lindur për pasuri,” tha një tjetër . “Përpjekja për të përdorur hiret e saj me qëllim për të nisur një karrierë aktrimi ose kënge; nuk u realizua. Kim K u bënë të pasur, sepse ajo dhe familja e saj janë të paturpshëm. Harvardi është po aq sa Kardashians tani.”

“Fjalët “Kardashian” dhe “Harvard” nuk duhet të shfaqen kurrë në të njëjtën fjali… kurrë,” tha një tjetër, ndërsa një komentues shtoi, “Unë nuk do të paguaja për shkollimin e Harvardit, për ta pasur atë vetëm si folëse. Mendoje më mirë, Harvard.”

“Ka folur në Harvard: ‘oh zot”, tha një tjetër që u tall me personazhin që u kthye në yllin e rrjeteve sociale. Shumë komentues kanë vënë në dyshim se çfarë lloj këshille ka dhënë Kardashian, pasi ajo vetë nga ana e saj nuk ka një diplomë kolegji.

“Për çfarë foli?” tha njëri me shaka.

“Dhe jep këshilla për çfarë? Si të arrini famën e saj?” tha një tjetër.

“Reklamo byt*ën dhe puno tetë orë”, shtoi një tjetër, duke iu referuar këshillave të saj famëkeqe, për gratë e tjera që duhet të punojnë shumë për një rrogë.

Kishte edhe të tjerë që e mirëpritën. “Mendoj se shumë njerëz nuk e respektojnë atë si dikë që bashkë-drejton një kompani shumë miliarda dollarëshe,” tha një studente.

“Thjesht të mësosh nga dikush që ka ndërtuar një biznes kaq të suksesshëm ishte vërtet emocionuese dhe mendoj se të kesh privatësinë, pa kamera në dhomë, të jesh në gjendje të bësh atë bisedë të sinqertë, ishte e veçantë,” shtoi një tjetër.

Ndërsa Kardashian nuk e vizitoi Fakultetin Juridik të Harvardit – pavarësisht se ajo studioi aty në mënyrë aktive për t’u bërë avokate – por nuk u diplomua.

Ajo pati shoqëruar gjithashtu edhe të fejuarin e saj të atëhershëm Kanye West kur ai foli në Harvard Graduate School of Design në 2013.