Nëse ju jeni të shëndetshëm atëherë dhe shtatzania juaj do të jetë e shëndetshme. Të futesh në rrugën e një shtatzanie të shëndetshme është më e thjeshtë nga sa mendoni. Po rendisim 10 hapa për tu ndjekur që do të përmirësojnë shëndetin tuaj dhe të fetusit.

• Hani shumë fruta dhe perime. Një shumëllojshmëri frutash dhe perimesh do t’ju furnizojnë juve me të gjitha lëndët ushqyese të nevojshme për zhvillimin e fetusit.
• Qëndroni të hidratuara. Mbani gjithnjë afër një shishe me ujë dhe sigurohuni të jeni gjithmonë të hidratuara.
• Kujdesuni për nepsin. Sigurohuni që në punë apo në shtëpi të keni gjithon ushqime të shëndetshme në mënyrë që të ushqeheni sa herë ju shkon mendja.
• Vazhdoni të jeni aktive. Aktiviteti i rregullt fizik do t’ju ndihmojë të kaloni sprovat e ndryshme fizike apo psikologjike që ka shtatzania.
• Tregoni kujdes ndaj disa ushqimeve. Disa ushqime si djathi blu, mishi i papjekur mirë dhe disa lloje peshku janë të ndaluar në shtatzani.
• Merrni suplementet e njevojshme. Mjeku mund t’ju rekomandojë suplemente si acidi folik dhe vitamina të ndryshme.
• Reduktoni stresin. Bëni një shëtitje, pak joga apo streçing për të reduktuar stresin.
• Bëni gjumin që ju nevojitet. Gjumi është shumë i rëndësishëm në shtatzani por mund të jetë pak e vështirë të gjeni pozicionin e rehatshëm. Provoni të shtriheni në anën e majtë dhe të përdorni disa jastëk më shumë.
• Mos konsumoni alkool. Alkooli është i dëmshëm për zhvillimin e fetusit ndaj përpiquni ti zëvendësoni pijet alkoolike me lëngje frutash apo ujë.
• Reduktoni kafeinën. Mos konsumoni më shumë se 200 miligram kafeinë në ditë, që është rreth një filxhan kafe, 4 fixhan çaj izi apo 2 kanaçe me pije energjike.