Zonja e parë amerikane Jill Biden iu nënshtrua një operacioni të mërkurën për të hequr një nishan kancerogjen mbi syrin e saj të djathtë, ndërsa një i dytë u gjet në pjesën e majtë të gjoksit të saj.

Lajmin e ka bërë me dije kryemjeku i Shtëpisë së Bardhë. 71-vjeçarja Jill, e shoqëruar nga presidenti Joe Biden, vizitoi spitalin ushtarak Walter Reed ku iu nënshtrua testeve mjekësore dhe operacionit, që zgjatën gjithsej shtatë orë.

Kryemjeku i Shtëpisë së Bardhë, Kevin O’Connor tha se një biopsi konfirmoi se lezione të lëkurës mbi syrin e djathtë të Jill Biden ishte “kancer i qelizave bazale”.

“I gjithë indi kanceroz u hoq me sukses dhe zona përreth ishte e pastër. Ne do të monitorojmë nga afër zonën gjatë shërimit, por vlerësojmë se nuk do të nevojiten procedura të mëtejshme”, theksoi ai.

I diagnostikuar në 3.6 milionë amerikanë çdo vit, është forma më e shpeshtë e të gjitha llojeve të kancerit, sipas Fondacionit për Kancerin e Lëkurës.Kirurgjia Mohs përfshin kirurgët që presin dhe analizojnë shtresat e holla të lëkurës derisa të mos gjenden shenja të kancerit.