Mund të keni acarim, dhimbje ose kruajtje në fyt, kjo ju shkakton patjetër shqetësim dhe edhe ngrënia e pirja e ushqimit mund të bëhet problem.

Sidoqoftë ka disa metoda shtëpiake të cilat mund t’i provoni kur të keni dhimbje të fytit pasi me siguri do t’ju lehtësojnë.

Konsumimi i një luge mjaltë

Qoftë kollë apo acarim i fytit, ngrënia e një luge mjaltë mund të ndihmojë. Mund ta përzieni në qumësht ose në ujë së bashku me shafran Indie. Vetitë anti-bakteriale të mjaltit mund të qetësojnë fytin tuaj.

Gargara me ujë të kripur

Gjithçka që duhet të bëni është të ngrohni ujin dhe ta përzieni me pak kripë përpara se të bëni gargarë me përzierjen. Kjo mund të lehtësojë inflamacionin në fyt dhe të pastrojë rrugët e frymëmarrjes. Ju mund ta bëni këtë çdo 5 orë derisa infeksioni të largohet.

Pini çaj mente ose kamomil

Të ngarkuar me antioksidantë, secili prej këtyre çajrave mund të përmirësojë shëndetin tuaj dhe t’ju qetësojë fytin. Ato janë përdorur në mënyrë që herët për vetitë e tyre medicinale anti-inflamatore. Çaji me nenexhik është gjithashtu tepër aromatik dhe i përshtatshëm për mbrëmjet e dimrit.