Enver Sheshi vdiq vetë, apo u eleminua ?!

Vdekja e 59-vjeçarit të arrestuar për inceneratorët, dyshimet e Berishës: Ai kishte vendosur të dëshmonte, u organizua nga mafia

Ish kryeministri Sali Berisha ka hedhur dyshime mbi vdekjen e 59-vjeçarit Enver Sheshi i cili ndërroi jetë një ditë më parë në QSUT. Sheshi ndodhej në burgun 313 në momentin kur pësoi arrest kardiak pasi ishte arrestuar për aferën e inceneratorit të Fierit.

Por sipas Berishës ka disa mesazhe që tregojnë se vdekja e tij është organizuar nga mafia e inceneratorëve pasi ka dyshime se Sheshi kishte vendosur të dëshmonte në lidhje me këtë skemë.

Berisha shkruan se ai kishte vendosur të dëshmonte me hollësi për skemën e vjedhjes së parave. Ai i shpreh ngushëllimet familjarëve të 59-vjeçarit dhe i bën thirrje avokatit të ndërmarrë hetim lidhur me rrethanat e ngjarjes.

Statusi i Berishës

Hidhen dyshime për vdekjen në burg të 59 vjeçarit Enver Sheshi.

Të dashur miq,

vdekjet e dyshimta, eliminimet mafioze në burgjet e ferrit të Edi Ramës janë tashmë dukuri tragjike të zakonshme. Dje mediat njoftuan vdekjen e 59 vjeçarit Enver Sheshi i arrestuar për skemë mashtrimi me TVSH në aferën e djegesave nderkohë që boset e skemës Rama, Agaçi, Ahmetaj vazhdojnë vjedhjet me kompaninë e tyre të djegësave. Dyshime të forta kanë lindur për mbajtjen e tij në paraburgim.

Sipas disa mesazheve vdekja e tij është organizuar nga mafja e djegësave mbasi e dinte shumë për djegesat.

Të tjerë pretendojnë se kishte vendos të dëshmojë me hollësi për skemën e vjedhjes së parave në djegësin e Fierit dhe si u ndanë ato.

Personalisht shtoj:

Së pari shpreh ngushellime famijles për hunbjen e njeriut të tyre të dashur.

Së dyti i bëj thirrje avokatit të popullit të ndermarrë me urgjencë hetimin lidhur me rrethanat dhe shkaqet e vdekjes të të ndjerit Enver Shehu dhe të shqyrtoj në çdo aspekt vdekjen e të ndjerit Sheshi në paraburgim. Duke dënuar dhe një herë kushtet çnjerzore në burgjet e Shqiperisë.