Libri i ri i Princit Harry “Spare” pritet të shkaktojë mjaft bujë në Pallatin Buckingham. Dhe kjo sepse përmban shumë detaje të ngjarjeve që kanë ndodhur pas dyerve të mbyllura të pallateve dhe prapaskenave të familjes mbretërore.

Në një pjesë të librit, Princi Harry i referohet edhe marrëdhënies që nëna e tij e ndjerë, Princesha Diana, kishte me majorin James Hewitt dhe nënvizon sesi Charles III i tha me shaka se “Kush e di nëse unë jam babai yt i vërtetë?”

Duke përshkruar incidentin e veçantë, ai tha se ndodhi kur Charles donte të tregonte një nga batutat e tij më të mira që kishte të bënte me vizitën e tij në një spital psikiatrik.

Kur Charles III kaloi pragun e azilit, ai takoi një të burgosur që pretendonte se ishte Princi i Uellsit.

Gjatë bisedës së tyre, mbreti aktual i Britanisë së Madhe i tha atij se ai ishte princi.

“Ti nuk mund të jesh Princi i Uellsit, unë jam Princi i Uellsit”, citohet të ketë thënë Harry nga babai i tij.

Dhe ndërsa burri e dëgjonte me vëmendje, ai përsëriti atë që thoshte Çarlsi. Menjëherë më pas Charles vuri në dukje se “të gjithë mund të jetojnë në botën e tyre të fantazisë” dhe më pas me shaka i tha:  “Kush e di nëse unë jam babai yt i vërtetë? Ndoshta babai yt është në Broadmoor, biri im i dashur!’

Harry e përshkroi këtë shaka të veçantë si “shije të keqe”. Ngjarja ndodhi në një kohë kur qarkullonin zëra se babai i tij i vërtetë ishte Major Hewitt.

James Hewitt kishte një lidhje me Princeshën Diana nga viti 1986 deri në 1991.

Ngjashmëria që djali i dytë i Charles kishte me majorin ndezi pretendimet që thoshin se Duka i Sussex është fryt i dashurisë së Dianës dhe Hewitt.

Siç thekson Princi Harry, thashethemet vazhduan pavarësisht nga fakti se Princesha Diana ishte takuar me Major Hewitt shumë kohë pasi linda ai.

Princi shton më tej se edhe nëse Charles kishte menduar ndonjë gjë për Hewitt ai e mbajti atë për vete.