Psikologu kanadez Jordan Peterson tha të martën se mund të humbasë licencën nëse nuk i nënshtrohet ‘ritrajnimit të detyrueshëm të komunikimit në media sociale’ nga Kolegji i Psikologëve të Ontarios, autoriteti licencues.

“Unë përballem me turpin publik, riedukimin e detyrueshëm politik, dëgjimin disiplinor dhe humbjen e mundshme të licencimit tim klinik për shkak se u pajtova me deputetin konservator Pierre Poilievre dhe kritikova pozitën e kryeministrit tonë Justin Trudeau.” – shkroi Peterson në Twitter.

Sipas Peterson, ‘rreth një duzinë persona nga e gjithë bota’ paraqitën ankesa në CPO, duke pretenduar se pikëpamjet dhe komentet e tij ‘dëmtonin njerëz’. CPO kërkon që Peterson t’i nënshtrohet ‘rikualifikimit’ dhe të dorëzojë raporte ‘progresi’, ose të përballet me një ‘tribunal personal’ dhe pezullimin e licencës së tij për të vepruar si psikolog klinik.

“Kanadezët: mjekët, avokatët, psikologët dhe profesionistët e tjerë tani janë aq të frikësuar nga komisarët e tyre, saqë kanë frikë t’ju thonë të vërtetën. Kjo do të thotë që kujdesi dhe këshilltari juaj ligjor janë bërë në mënyrë të rrezikshme të pabesueshëm.” – shkroi Peterson në Twitter.

Peterson u rikthye në Twitter në nëntor, pasi Elon Musk bleu kompaninë dhe anuloi shumë ndalime të mëparshme që ai i konsideronte të padrejta. Ai ishte bllokuar nga llogaria e tij në korrik 2022, pasi kishte kundërshtuar të përdorte emrin dhe përemrat e rinj të një aktori transgjinor.

Më 27 dhjetor, Peterson shkroi në Twitter se Trudeau ‘më duket se është përherë 14 vjeç’, duke iu referuar konceptit të ‘moshës psikologjike’ në fushën e tij të ekspertizës.