Ministrja fajëson fermerët pse kanë prodhuar shumë vaj: Kanë mbjellë pa planifikim ullinj

Ministrja fajëson fermerët pse kanë prodhuar shumë vaj: Kanë mbjellë pa planifikim ullinj

Ministrja e Bujqësisë, Frida Krifca ka habitur të gjithë duke i vendosur fajin fermerit për pamundësinë e shitjes së vajit të ullirit.

Pas mbledhjes së qeverisë, ministrja Krifca tha se fermerët në vendin tonë kanë gabuar duke mbjellë më shumë se ç’duhet rrënjë ulliri, e cila sipas saj, ka sjellë mbingopjen në treg. Krifca në përgjigjen e saj nuk dha asnjë zgjidhje për të lehtësuar fermerët.

Pyetje: Gjatë këtij viti ka patur një prodhim të lartë të vajit të ullirit, por nuk po gjen treg, a ka mekanizma qeveria për të ndërhyrë dhe ndihmuar në shitjen e vajit të ullirit për prodhuesit e vegjël?

Përgjigjet Krifca: “Ne kemi një veprimtari të lartë, 20% e tij tregtohet si ulli dhe 80% përpunohet si vaj ulliri. Kemi pasur një mbimbjellje të rrënjëve të ullinjve, janë 10 milion rrënjë, janë mbjellë pa një planifikim të qartë dhe kjo sjellë mbi prodhim. Herë pas here gjendemi përballë vështirësive të tilla, jemi duke punuar në kuadër ligjor dhe kemi kontakte me ministrin francez. Kam shprehur gatishmërinë për të fuqizuar këtë treg”.