Ish-kryetari i Gjykatës Kushtetuese, Enver Hasani ka deklaruar se ideja e ndarjes së Kosovës nuk ka qenë e ish-presidentit Hashim Thaçit, por e kryeministrit shqiptar, Edi Rama.

“Idenë e ndarjes së Kosovës nuk e ka sjellë Hashim Thaçi, por Edi Rama”, ka thënë Hasani për “T7”.

Hasani thotë se ideja ka pasur qëllim edhe për të delegjitimuar Hashim Thaçin.

“Unë kam besu edhe sot besoj që ajo ide ka pas delegjitimin e Hashim Thaçit që kur të shkon në Speciale mos me ju dhimbtë kërkujt”, ka deklaruar Hasani.

Po ashtu ai ka folur edhe për takimin e Thaçit me presidentin rus, Vladimir Putin.

“Rama me Vu֛çiqin kanë besu që mundet me kriju një momentum, kështu ka ardhur edhe takimi i Thaçit me Putinin”, shtoi ai.

Marrëveshja për korrigjimin e kufijëve parashikonte që Kosova t’i japë një pjesë të territorit të saj Serbisë, në këmbim të njohjes së pavarësisë së saj nga Beogradi, duke shkëmbyer në thelb tokën për paqe.

Gjithashtu thuhej se kjo do t’i haptë rrugën Kosovës, e cila është pothuajse tërësisht etnikisht shqiptare, që të bëhet një provincë de fakto shqiptare. Por ideja mbeti në letër, ndryshimi i kufijve është një çështje e ndërlikuar në Europë, dhe sidomos në Ballkan.