Që prej datës 23 nëntor kemi hyrë zyrtarisht në sezonin e Shigjetarit, shenjës më aventureske dhe të paparashikueshme të zodiakut, sidomos në dashuri. Doni të dini si sillet një Shigjetar në dashuri? Zbulojeni si më poshtë:

Femra e Shigjetarit në dashuri: Femrës së Shigjetarit nuk i mungon romantizmi, fantazia dhe ndjeshmëria, ashtu si nuk i mungon as xhelozia dhe dëshira për të sunduar. Femra e kësaj shenje është zakonisht besnike ndaj bashkëshortit të saj dhe i respekton mendimet, idealet dhe vendimet e tij në fushën profesionale, por ka nga ata që edhe një dashuriçkë të vogël ia lejojnë vetes, duke e ditur fort mirë se kjo nuk e cënon aspak qëndrueshmërinë e bashkimit të saj martesor. Prej partnerit ajo pret që të tregohet, i vëmendshëm (ndaj saj) ndaj interesave të saj dhe disi gjakftohtë përpara të papriturave, por natyrisht ka pasion dhe zhdërvjelltësi në dashuri, sepse sporti nuk arrin t’i pakësojë energjitë e saj.

Mashkulli i Shigjetarit në dashuri: Duke qenë romantik, i zjarrtë, tip sportiv dhe i ndjeshëm, Shigjetari kërkon t’i përjetojë aventurat e udhëtimit me të dashurën nga e cila kërkon që ta çmojë dhe ta vlerësojë më tepër se për gjithçka tjetër për besnikërinë e tij. Është një mashkull i zjarrtë, që shpërthen sakaq si vetëtima, por dhe mirëkuptues dhe zemërgjerë në dashuri. Megjithatë do të ishte mirë të mos i besohet Shigjetarit kur fal… dhe pse ai bën një farë përpjekje për ta kuptuar më mirë partnerin, nuk është i gatshëm të marrë as mundimin më të vogël për të zgjidhur qoftë edhe një mosmarrëveshje në rast pabesie.

Të lindurit në dhjetëditëshin e parë (22 nëntor – 1 dhjetor): Janë shumë zemërgjerë në dashuri, madje edhe më shumë bujarë se normalisht.

Të lindurit në dhjetëditëshin e dytë (2 -11 dhjetor):Janë më të vrullshëm dhe më të shpërqendruar në marrëdhëniet shpirtërore. Ata janë zemërbutë, të dashur, por disi të sipërfaqshëm.

Të lindurit në dhjetëditëshin e tretë (12 – 21 dhjetor): Janë shumë konformistë ndaj moralit e zakoneve të kohës, i japin rëndësi mendimeve të të tjerëve, janë shumë të tërhequr, por mjaft të rrëmbyer e xhelozë.