Radar
Zelensky propozon ndërprerje energjie në mbarë botën: Një orë errësirë për Ukrainën
Presidenti ukrainas, Volodymyr Zelensky, ka bërë thirrje për një orë ndërprerje energjie në të gjithë botën në mbështetje të Ukrainës.
Zelensky u ka kërkuar institucioneve dhe qytetarëve në mbarë botën që të fikin dritat, jo vetëm ato të institucioneve dhe monumenteve, por edhe ato të Krishtlindjeve nëpër shtëpi ditën e sotme më 21 dhjetor.
Ai kërkon që ndërprerja të jetë nga ora 20:00 deri në orën 21:00 me orën e Kievit, si një gjest solidariteti me vendin e sulmuar nga rusët dhe që prej javësh është shënjestër e sulmeve ndaj strukturave energjetike.
Fushata, e quajtur #LightUpUkraine, synon që të mbledhë rreth 10 milionë dollarë për të financuar blerjen e një mijë gjeneratorëve elektrikë për të lejuar funksionimin e spitaleve ukrainase.
