Gjumi i mirë, çelësi i një jete më të gjallë seksuale tek gratë. Çfarë zbuluan shkencëtarët!

Ky është përfundimi i një studimi të ri, i cili sugjeron se çdo orë shtesë gjumi rrit me 14 për qind gjasat që një grua të përfshihet në aktivitet seksual me partnerin ditën tjetër.

“Studimi ynë tregoi se një gjumë i mirë është i rëndësishëm për zgjimin e dëshirës seksuale tek grate”, pohon autori i studimit David Kalmbach, studiues në “University of Michigan Sleep and Circadian Research Laboratory”.

Kalmbach dhe disa kolegë të tij studiuan sjelljen e 171 grave, në moshë të re të cilat mbajtën ditarë rreth gjumit të tyre për 14 ditë rresht dhe raportuan nëse ishin përfshirë në aktivitet seksual të nesërmen. Koha më e gjatë e gjumit lidhej drejtpërdrejt me një dëshirë më të madhe seksuale të nesërmen. Gratë me kohëzgjatjen mesatare më të gjatë të gjumit thanë se ndiheshin më të eksituara sesa grate që flinin më pak orë . Mesatarisht, gratë raportuan se flinin 7 orë e 22 minuta.

Studime të tjera kanë sugjeruar se koha e shkurtër e gjumit dhe cilësia e dobët e gjumit çojnë në një përgjigje të dobët seksuale të femrave, tha Kalmbach. Por shumica e studimeve kanë qenë një “fotografi në kohë”, duke parë vetëm një pikë kohore.

Gjumi i dobët mund të çojë në probleme seksuale, thotë autori i studimit.

Kalmbach tha se nuk dihet se si mungesa e gjumit mund të ndikojë në dëshirën seksuale. Por ai tha se nuk është thjesht për shkak të ndryshimeve në humor, për shembull, pasi studimi vlerësoi nivelet e depresionit dhe ankthit të grave.

“Disa studime të mëparshme kanë hipotezuar se gjumi mund të ndikojë në nivelet e hormoneve, të cilat mund të shkaktojnë ndryshime në dëshirën seksuale dhe zgjim,” tha ai. “Por unë mendoj se në përgjithësi, nevojiten më shumë kërkime në këtë fushë për të identifikuar mekanizmat themelorë në mënyrë më të sigurt.”

“Mesazhi, shtoi Kalmbach, “është se një gjumë i shëndetshëm është i rëndësishëm në shumë aspekte të jetës sonë të përditshme. Gjumi i mirë përmirëson disponimin, energjinë, përqendrimin, shëndetin e përgjithshëm dhe tani favorizon edhe dshirën seksuale.

Gjetjet e studimit u publikuan në internet në revistën Journal of Sexual Medicine