Will Smith thotë se fotografia e tij virale e majit 2021 bëri që të humbte 13 kilogramë për rolin e tij në “Emancipation”. Aktori 54-vjeçar u ul me tre fëmijët e tij – Trey, Jaden dhe Willow gjatë episodit të së mërkurës të “Red Table Talk” për të diskutuar se si luajtja e rolit të një ish-skllavi të quajtur Peter “ndryshoi absolutisht” jetën e tij.

“Ju djema mund të mbani mend që unë postova foton ku nuk isha në formë të mirë … “trup babai”,” tha ai. “Fotografia ishte fillimi i përgatitjes për të humbur peshë për Peter. Unë ndoshta isha 102 kilogramë kur fillova xhirimet dhe arrita në 85 kilogramë.”

Filmi, i cili bazohet në një histori të vërtetë, dokumenton udhëtimin e Peter nëpër kënetat e Luizianës pasi ai u godit gati për vdekje në një plantacion. Megjithëse Will dëshironte të humbiste peshë për tu ndjerë më mirë me veten, ai gjithashtu e dinte se sa e rëndësishme ishte humbja drastike e peshës për kontekstin e filmit. “Për mua, fiziku është një pjesë e madhe e asaj që i impersionon njerëzit”, vazhdoi ai. 

Përveç dietës së mirë dhe ushtrimeve për dy orë në ditë, Will tha se kushtet e vështira të xhirimeve e ndihmuan atë të humbte disa kilogramë shtesë. “Në fakt të jesh jashtë në këneta … është nxehtë, është e vështirë,” shpjegoi ai.