Aktori Dwayne Johnson flet për rolin në filmin Black Adam

Aktori Dwayne Johnson flet për rolin në filmin Black Adam

Aktori Dwayne Johnson ka thënë se paraqitjen me rolin kryesor në filmin “Black Adam” e ka pranuar në kohë të duhur. Ky aktor për këtë dhe të tjera rreth këtij filmi ka treguar në një intervistë për media.

Ai ka thënë se gjithmonë është i gatshëm për paraqitje si superhero. Por se tani ishte momenti më i përshtatshëm për ta pranuar atë. Johnson ka treguar se role të tilla i janë ofruar edhe më parë, por që i ka refuzuar. Ato role i kanë pranuar aktorë të tjerë. Më pas është ofruar roli i Black Adam dhe atë e ka luajtur me pasion. Megjithatë edhe gjatë realizimit të këtij projekti ka hasur në sfida, por se tani është i lumtur që ia kanë dalë ta sjellin atë në ekran.

Johnson ka thënë se me personazhin Black Adam ka shumë ngjashmëri. Ai ka thënë se çdo gjë që e mendon e thotë drejtpërdrejtë, e kështu vepron edhe Black Adam. Dallimi i vetëm është se Black Adam godet njerëzit përreth. Johnson ka thënë se edhe vetë do ti godiste disa njerëz që ka përreth, por se këtë do ta bënte duke qeshur. Ky aktor ka thënë se Black Adam është një superhero. Disa thonë se ai është anti-hero, por Johsnon ka thënë se preferon që atë ta paraqesë si mbrojtës e kampion të njerëzve me të cilët kanë pasur shansin të krijojnë, pasi që ai nuk është paraqitur më parë në filma.

Filmi “Black Adam” është vazhdimësi e filmit “Shazam”, i cili u realizua në vitin  2019. Ai është filmi i njëmbëdhjetë në Universin e zgjeruar të DC.

Ngjarja në këtë film përqendrohet tek personazhi me po këtë emër, i cili lirohet nga burgu pas pesë mijë vitesh. Ai lirohet tani në kohë moderne. Taktikat e tij brutale tërheqin vëmendjen e shoqërisë amerikane për drejtësi. Kjo shoqëri mundohet të ndalë tërbimin e tij, ta mësojë se si të bëhet hero.

“Black Adam” do të shfaqet në kinematë amerikane nga data 21 tetor 2021.