E dashura e Putin, Alina Kabaeva, është shfaqur sot në një ceremoni përuruese të një qendre të re stërvitore gjimnastike në Soçi të Rusisë.

Ajo shmangu çdo koment në lidhje me Presidentin, për të cilin së fundmi thuhet se ka patur edhe një incident, pasi është rrëzuar nga shkallët e rezidencës së tij në Moskë. Kabaeva nuk foli as për luftën e tij në Ukrainë.

Ylli olimpik, fitues i medaljes së artë në atletikë u tha gjimnastëve në turneun ndërkombëtar Divine Grace se kur ajo stërvitej as mund t’i imagjinonte kushte si në qendrën e re stërvitore sportive.

“Kur isha në gjimnastikë dhe sportiste, as që mund të ëndërroja për kushte të tilla. Por siç e tregon jeta, e pamundura është e mundur dhe Rusia është një vend me mundësi të mëdha,” u shpreh ajo.

Hera e fundit që zonja e parë në hije e Rusisë u pa në publik ishte në shtator, kur u përhapën thashethemet se ajo ishte urdhëruar nga Putin të bënte një abort, pavarësisht se shtatzënia ishte tashmë më shumë se 20 javëshe.

Si rezultat, marrëdhëniet midis Putinit dhe Kabaeva u përkeqësuan. Pas abortit, u shfaqën komplikime dhe për ca kohë Kabaeva nuk mundi të shfaqej në publik.

Kabaeva nuk ka asnjë rol zyrtar në Rusi. Mediat shtetërore të Moskës nuk lejohen të diskutojnë lidhjen e saj 15-vjeçare me Putinin dhe as fëmijët që përflitet se ndajnë.