Gjyqtarja franceze Stéphanie Frappart u bë e para gjyqtare femër që drejtoi një ndeshje meshkujsh në një Kampionat Botëror.

Frappart shkroi histori në futbollin botëror kur gjykoi dje sfidën Gjermani-Kosta Rika. Krahas francezes, ndeshjen e drejtuan edhe Salima Mukansanga nga Ruanda dhe japonezja Yoshimi Yamashita.

Sipas shefit të gjyqtarëve të FIFA-s Pierluigi Collina flitet që gjyqtaret femra të drejtojnë në të gjitha ndehsjet, pavarësisht qëndrimit që kanë vendet arabe si Katari, Irani apo Arabia Saudite për pjesëmarrjen e gruas në kompeticione të tilla.

“Ato janë këtu, jo sepse janë gra, por sepse janë gjyqtare futbolli të FIFA-s”, tha Collina.

Sipas tij, angazhimi i gjyqtareve femra në ndeshjen e Gjermani-Kosta Rika në Katar është dëshmia se vlerësohet cilësia dhe jo gjinia.

Më herët, gjyqtarja franceze Frappart ka thënë “Unë nuk jam shtatlartë. Nuk jam as aq e fortë sa disa prej kolegëve të mi meshkuj”.

Frappart ka qenë gjyqtarja e parë femër që drejtoi finalen e madhe të futbollit në UEFA Champions League mes Chelsea dhe Liverpool.