Ylli 59-vjeçar luajti për herë të fundit personazhin në vitin 2017, në filmin e titulluar “Pirates of the Caribbean: Dead Men Tell No Tales”

Mesa duket, beteja ligjore e Johnny Depp me Amber Heard i ka kushtuar shtrenjtë atij. Një prej tyre ishte e ardhmja e tij në filmin më popullor.

Pas frymës që morën fansat e aktorit hollivudian, kur dëgjuan të lehtësuar se Margot Robbie nuk do të jetë në rolin legjendar, tashmë ata vijnë përballë një goditje edhe më të ashpër.

Lajmi se Depp nuk do të luajë në “Pirates of the Caribbean” filloi të qarkullojë të mërkurën, 23 nëntor, me raporte që tregojnë se aktori nuk do të shfaqet më në ekskluzivitetin e Disney pas largimit të tij në 2018.

Sipas Daily Mail, çdo pritshmëri e fansave për rikthimin e aktorit, zhytet në baltë dhe publiku duhet të kërkojë mbështetje te aktorët e tjerë, për të luftuar trishtimin.

Ylli 59-vjeçar luajti për herë të fundit personazhin në vitin 2017, në filmin e titulluar “Pirates of the Caribbean: Dead Men Tell No Tales” përpara se gjigandi i filmit ta pushonte atë mes akuzave të bëra kundër tij nga ish-gruaja e tij, Amber Heard.

Gazeta britanike vjen në pikën për të mohuar gjithçka që shkruante “The Sun” deri pak ditë më parë, kur një burim theksoi se filmi i gjashtë i titulluar “Një ditë në det”, ishte duke u përgatitur.

“Depp do të kthehet si Jack Sparrow dhe do të fillojë xhirimet në fillim të shkurtit në një vend të pazbuluar në Mbretërinë e Bashkuar. Gjithçka është në fazën fillestare dhe nuk ka ende asnjë regjisor të lidhur me projektin, i cili quhet “Një ditë në det”. Johnny pritet të bëjë një xhirim provë në fillim të shkurtit përpara se të fillojë prodhimi”, shkruante “The Sun”.

Margot Robbie dhe Piratët

Versioni i ri i “Pirates of the Caribbean” me protagoniste Margot Robbie, duket se nuk ka lulëzuar.

Aktorja ka treguar në një intervistë të fundit se ky film ndoshta nuk do të realizohet kurrë. Duke folur për Vanity Fair, 32-vjeçarja pranoi se Disney anuloi xhirimin e “Pirates”, ku ajo do të kishte luajtur.

Që nga viti 2020, Disney ka njoftuar synimet e për të ecur përpara me një xhirim “me gjini femërore” të “Pirates” dhe për të lënë pas Jack Sparrow të Depp, çështja gjyqësore e të cilit me Amber Heard ishte në pritje. Por kjo ide i përket së shkuarës.