Sport
Ronaldo flet për Messin, rivalin e tij në fushë
Ronaldo apo Messi? Nëse për tifozët ata janë rivalë, për njëri-tjetrin nuk është kështu. Në një intervistë të dhënë së fundmi për Piers Morgan, Ronaldo foli edhe për Messin. Nuk janë miq, por as armiq. Madje përkundrazi, Ronaldo gëzon respekt dhe simpati. Atë dhe Zidane i konsideron lojtarët më të mirë të futboliit.
“Unë me të në një skuadër? Gjithçka është e mundur. E sigurt është se do të shisnim shumë fanella. Nuk kemi qenë kurrë për një darkë së bashku. Në fakt do më pëlqente. Messi është një lojtar i jashtëzakonshëm, magjik. Kemi ndarë skenën për 16 vite dhe kemi një raport të mirë. Nuk jemi miq, por është si një shok skuadre, një person që e respektoj shumë, për mënyrën se si flet për mua. Për mënyrën se si bashkëshortja e tij flet për bashkëshorten time. Mund të them vetëm gjëra të mira për Messin. Është lojtari më i mirë që kam parë, së bashku me Zidane”, tha Ronaldo.
