Porti i Durrësit u la 6 muaj jashtë kontrollit, zbarkuan tonelata të pafundme kokaine

Akuza e Berishës: Porti i Durrësit u la 6 muaj jashtë kontrollit, zbarkuan tonelata të pafundme kokaine

Ish kryeministri Sali Berisha ka bërë një akuzë të fortë këtë të hënë në një deklaratë për mediat, ku tha se të gjitha autoritetet në Portin e Durrësit janë të përfshira në trafikun e kokainës në Evropë.

Ndërkohë Berisha tha se Porti ka qenë jashtë çdo kontrolli për një periudhë 6 mujore.

Sali Berisha: Në Portin e Durrësit për 6 muaj rresht u la jashtë çdo kontrolli.
Zbarkuan në Durrës tonelata të pafundme kokaine, ku shkuan ato? Drejt Evropës jo drejt Hënës.

Pasi u alarmua gjithë bota tani janë dyndur, por në port të gjithë autoritetet janë të përfshira në trafikun e kokainës.

Porti është shndërruar në portin më të madh të kokainës në Evropë.
Rama përpiqet ti mbulojë këto me sharje ordinere, me sulme e fjalor të një njeriu si ai.

Deklaroj me përgjegjësi të plotë se shkak madhor i të gjitha këtyre është Rama dhe partia e tij, e PD do aplikojë zero tolerancë ndaj krimit të organizuar. PD do të zbatojë ligjin jo vetëm ndaj bandave në shtrofullat e mafies ku jetojnë por ndaj bosëve të këtyre bandave në zyrat qeveritare.