“Squid Game”, seriali që theu rekorde shikueshmërie në Netflix vitin e kaluar, do të rikthehet. Lajmi është dhënë nga Netflix që në qershor.

Seong Gi-hun (Lee Jung-Jae), i njohur si Lojtari 456, do të rikthehet sezonin e ardhshëm. Ai fitoi një Emmy për këtë rol.

Sezoni i dytë do të përqendrohet tek hakmarrja. Lee Jung do kërkojë të hakmerret për gjithçka që kaloi sezonin e parë.

Në sezonin e ri mund të ketë një fokusim tek historia e dy vëllezërve, Front Man dhe Jun Ho. Kurrë nuk e pamë trupin e tij të vdekur. A të jetë gjallë?

Front Man (Lee Byung-hun) gjithashtu do të kthehet dhe mund të jetë edhe personazhi kryesor këtë herë.

Do të ketë një kast të ri dhe karaktere të reja.

‘i dashuri’ i Young-hee (kukullës famëkeqe), Cheol-su, do të prezantohet në sezonin 2.

Burri me kostum që rekrutonte lojtarët, gjithashtu do të kthehet.

Sezoni i ri do të nisë xhirimet në vitin 2023 dhe do të publikohet në 2024-ën.

Regjisori ka thënë se disa personazhe do kishte dashur t`i rikthente dhe i vjen keq që i vrau. Po nuk e dinte që do të kishte një sezon të dytë.

Në sezonin e parë regjisori shkroi vetë çdo gërmë, çdo dialog. E bëri gjithçka vetë dhe kjo e konsumoi kështu. Në sezonin e ri ka vendosur të kërkojë ndihmë.