Evan Peters ka folur së fundmi për portretizimin e Jeffrey Dahmer.

“Duke bërë rolin, doja t’i jepja 120 për qind gjatë xhirimeve. Kështu që solla shumë errësirë ​​dhe negativitet,” tha ai, sipas The Hollywood Reporter.

Si pjesë e përgatitjes së tij për rolin, Peters tregoi se kishte veshur këpucët, xhinset dhe syzet e Dahmer-it për muaj të tërë, dhe gjithashtu vuri pesha në krahët e tij për të pasqyruar stilin e ecjes së vra*ësit. Ai shtoi se ishte i tmerruar kur përfundimisht e mori përsipër. Niecy Nash, e cila luajti fqinjen e Dahmer në serial, bëri shaka se sa i thellë ishte Peters në rol. “Njerëzit do të thonë: “Si është Evan?” dhe unë thoja: “Nuk e di, nuk e njoh atë njeri”, u shpreh ajo.

Që nga publikimi i tij, seriali ka marrë komente të ndryshme dhe madje ka ngjallur polemika. Mirëpo,  shfaqja arriti të zërë vendin e parë gjatë javës së tij debutuese në Netflix dhe është bërë një nga shfaqjet më të shikuara ndonjëherë të shërbimit të transmetimit. Seriali ofron një vështrim më të afërt të viktimave të Dahmer, të paktën 17 burra dhe djem të cilët i, vrau midis 1978 dhe 1991 në Milwaukee, Wisconsin. Ai gjithashtu tregon një viktimë që arriti të shpëtonte. Ai luajti një rol të madh në arrestimin përfundimtar të tij.