Ekspertët e Feng Shuit besojnë se çdo objekt bart në vetvete energji, dhe në momentin që ne e mbajmë në shtëpi,  automatikisht, e transferojnë energjinë e tij në banesën tonë. Pikërisht për këtë arsye, ata thonë se duhet të bëjmë shumë kujdes çfarë sjellim në shtëpi, e dhuratat e kujt i pranojmë dhe i mbajmë.

Nisur nga ky fakt, këshilla që japin ekspertët është të shmanget sidomos mbajtja në shtëpi e dhuratave të marra nga persona që i konsiderojnë në të vërtetë, të këqinj dhe ziliqarë. Energjia që këto dhurata sjellin me vete, sipas bindjes së tyre, mund të shakktojë shumë shpejt grindje e deri dhe sëmundje apo divorc.

Besohet se njerëzit që ju kanë zili dhe nuk janë aspak të lumtur për suksesin tuaj, familjar apo biznesi, do të jenë të parët në radhë për t’ju sjellë një dhuratë. Energjia negative e këtyre personave transferohet edhe tek objekti, i cili vepron në heshtje, por me shumë fuqi edhe nga cepi i banesës tuaj.

Ndaj, nëse keni ndjerë një lloj shqetësimi apo dicka jo të mirë kur shihni dhurata të tilla, sipas besimit të Feng Shuit, ato duhen larguar nga shtëpia. Mos e vendosni në papafingo, bodrum apo të ngjashme, thjesht hidheni. Madje ka zëra që thonë se sende të tilla, është më mirë të digjen fare.