Radar
Agron Tufa flet me emra: Ky është diplomati që ka qenë oficer i ish-Sigurimit, sot punon në ministri
Ish-kreu i Institutit për Studimin e Krimeve të Komunizmit, Agron Tufa ka bërë publik emrin e një zyrtari që ka qenë bashkëpunëtor i ish-Sigurimit.
Në një intervistë për Euronews Albania, sipas Tufës bëhet fjalë për diplomatin Fatos Reka, që është sot shërbimin e Ministrisë së Punëve të Jashtme.
Teksa tregoi dokumentin, Tufa tha se Reka e ka të fshehur në CV se ka qenë ish-bashkëpunëtor i ish-sigurimit.
“Nëse qenka puna që të spastrojmë rrugën e politikës nga ish-bashkëpunëtorët e ish-sigurimit të shtetit, na dalin gjëra shumë të çuditshme. Kemi një diplomat të karrierës që është edhe sot në shërbimin e Ministrisë së Punëve të Jashtme, që quhet Fatos Reka. Në CV zyrtare ai e ka fshehur të qenurit bashkëpunëtor i sigurimit të shtetit.
Ky është dhe sot në shërbim. Të jeni të sigurt që të tilla figura hermetikisht do të fshihen, ligji do të godasë atë që dëshiron dhe ti do ta kesh gojën e mbyllur. Unë e shkela ligjin dhe unë automatikisht duhet të ndiqem dhe të dënohem sipas ligjit”- nënvizoi ai.
