Kryedemokrati Sali Berisha ka reaguar për ngjarjen që ndodhi mbrëmë në orët e vonë në Tiranë, ku humbi jetën një 32-vjeçar.

Banditë me uniformë i marrin jetën të riut thotë Berisha, i cili referuar mesazhit të një qytetari, shkruan në rrjetet sociale se Laer Kurti është dhunuar.

Berisha thotë të kundërtën e asaj që raporton policisa. Sipas mesazhit të qytetarit që e denoncon rastin te Berisha, i riu ka ndërruar jetë në komisariart dhe efektivët nuk e kanë thirrur ambulancën.

Berisha iu shpreh ngushëllime familjarëve, ndërsa dënon këtë rast, të cilin e quan krim.

“Banditë me uniformë i marrin jetën të riut 32 vjeçar, Laer Kurti. Ata e torturuan shtazërisht në makinën e policisë dhe e dërguan pa ndjeja në komisariat.

Vrasësit me uniformë e dërgojnë të vdekur në urgjencë. Shpreh ngushëllimet më të ndjera familjes dhe dënoj me ashpërsinë më të madhe krimin e shëmtuar të kriminelëve me uniformë të Edi Ramës dhe ministrit të familjes Çuçi”, shkruan Berisha.