Tallet Taulant Balla: Falënderojmë qytetarët që i lajnë rrobat me 30 gradë

Balla: Falënderojmë qytetarët që i lajnë rrobat me 30 gradë

Kreu i grupit parlamentar të Partisë Socialiste, Taulant Balla tha në fjalën e tij në Kuvend se e mbështet fashën 800 kwh.

Sipas tij, pas kësaj fashe janë vilat dhe jo familjet e thjeshta.

“Duke falënderuar 1 mijë herë çdo qytetar që thirrjet e koleges Balluku për të kursyer i kanë vënë në zbatim- ju qeshnit, po mo po – për të larë rrobat me 30 gradë. Ju qeshni, se ju për të qeshur jeni. Luli qeshte më bukur, por na ka marrë malli, ai nuk vjen më,” – u shpreh Balla.

Sipas deputetit, qytetarët e thjeshtë janë kujdesur të kursejnë dhe për këtë arsye fasha u anulua deri në një moment të dytë.

Çmimi i energjisë elektrike për muajin tetor nuk do të ndryshojë, ndërsa përgjatë këtij muaji do të rishikohet situata dhe do të vendoset nëse çmimi 42 kilovat do të aplikohet gjatë muajit nëntor për të gjithë konsumatorët që kalojnë fashën 800 kilovat.