“1 orë punë për të blerë 10 kokrra vezë”, shqiptarët më të varfër se kurrë

“1 orë punë për të blerë 10 kokrra vezë”/ Si po i rrjepin shqiptarët çmimet e rritura të ushqimeve

Shportë ushqimesh (foto ilustruese)

Paga mesatare neto në Shqipëri përllogaritet 49,885 lekë neto në muaj. Kjo pagë llogaritet në përfitim 286 lekë/ora dhe 4.76 lekë/minuti.

Për të blerë një bukë masive na duhet të punojmë 21 minuta, ndërsa për 1 kg mish viçi 4 orë punë. Sipas një analize të Scan të vitit të shkuar, për të blerë një bukë duheshin 19 minuta punë, ndërkohë që kjo kohëzgjatje për vitin 2022 është rritur me 2 minuta.

Po ashtu përsa i përket mishit të viçit, krahasuar me vitin e shkuar, këtë vit duhet të punojmë 1 orë më shumë, raporton JOQ Albania.

PRODUKTE TË TJERA

1 shishe ujë 2 Litra-10 minuta punë
1 kokërr vezë-5.7 minuta punë
1 pako vezë me 10 kokrra-1 orë punë
1 shishe qumësht i ambalazhuar 1 Litër-39 minuta punë
1 litër kos- 38 minuta punë
1 kile miell-17 minuta punë
1 kile sheqer-24 minuta punë
1 kg mish viçi-4 orë punë
1 kg djathë/1 kg peshk rezervati-Mbi 3 orë punë
1 Litër vaj luledielli-Mbi 1 orë punë
1 sufllaqe-46minuta punë
1 byrek furre-8 minuta punë
1 abonim mujor palestre-Mbi 12 orë punë
Një shqiptari me rrogë mesatare bruto 600 mijë lekë në muaj i duhet të punojë dy orë punë në ditë për të përballuar produktet bazë të shportës: bukë, qumësht, kos dhe 2 kokrra vezë.