Protesta në Elbasan, Boçi: Shumica e qytetarëve nuk sigurojnë as minimumin jetik

Deputeti Luçiano Boçi në një lidhje me MCN Live nga protesta e zhvilluar këtë paradite në Elbasan për rritjen e çmimeve deklaroi se janë hallet e qytetarëve ato që detyruan PD të dali organizatore.

Ai tha se shumica e qytetarëve nuk sigurojnë dot as minimumin jetik, ndërsa shtoi se dalja në shesh dhe reagimi është për t’i rënë portës së shurdhër sepse kjo qeverisje e ka humbur të drejtën për të qeverisjes.

Janë hallet e qytetarëve që bënë që PD të dali si organizatore dhe drejtuese dhe mbrojtëse e atyre që protestojnë.

Nuk është vetëm çështja e çmimit të karburantit por gjithçka sot që ndodh në jetën e qytetarëve është skandaloze.

Shumica e qytetarëve nuk sigurojnë dot as minimumin jetik.

Unë në angazhimin tim vlerësoj të gjitha llojet e protestave që realizohen në shoqëri qoftë lokale apo kombëtare, nuk mund të vendosen vula diferencash por duhet të përqendrohemi te mesazhi që ato japin.

Dalja në shesh dhe reagimi në shesh është për t’i rënë portës së shurdhër të politikës sepse kjo qeverisje e ka humbur të drejtën për të qeverisur thjesht grabit.

Tashmë ka ngritur një portë ku çmimi bie dhe rritet, se qeverisë i duhen ca para për luks, ca para për situatën zgjedhore, për PPP-të dhe koncesionet.

Kjo maxhorancë kërkon të mbajë me dhunë pushtetin.