Nëse jeni një burrë që po hasni probleme me ereksionin në krevat, mos u mërzitni pasi nuk jeni as i pari dhe as i vetmi. Sipas statistikave, rreth 60% e meshkujve kanë probleme  në një fazë të jetës së tyre për të përjetuar ereksion ose për ta mbajtur atë. Gjithashtu, rreth 30% e meshkujve kanë raportuar se kanë qenë nën moshën 40-vjeçare kur kanë pasur për herë të parë probleme me ereksionin. 

Ka shumë faktorë që mund të jetë përgjegjës për dëmtimin e aftësive tuaja seksuale. Disa prej tyre nuk mund t’i kontrolloni dhe disa të tjera janë të ndërlidhura me anën psikologjike dhe stilin e jetesës.Nëse jeni duke pasur probleme të tilla, me siguri se ju ka shkuar ndër mend të përdorni viagra. Por, çfarë duhet të dini për këtë pilulë

Fillimisht, a duhet të përdorni viagra?

Duke qenë se simptomat e disfunksionit erektil mund të jenë të ndryshme, është paksa vështirë të sugjerohet.

Sidoqoftë, nëse vazhdimisht jeni duke pasur vështirësi të vazhdueshme për të patur ereksion, mund të përdorni viagra, por jo atëherë kur i keni këto probleme herë pas here. Paraprakisht duhet të keni parasysh se shumë probleme shëndetësore mund të shkaktojnë probleme me ereksionin, duke përfshirë stresin, alkoolin, drogërat lodhjen etj. 

Si ndikon viagra?

Disfunksioni erektil kryesisht shkaktohet nga ngushtimi apo bllokimi i arterieve të cilat e bartin gjakun në penis, e këtu viagra reagon kundër. Viagra përmban një përbërës që quhet sildenafil, i cili funksionon duke parandaluar veprimin e një kimikati në trupin tuaj që quhet fosfodiesterasi tipi 5.

Kjo i relakson enët e gjakut dhe e përmirëson qarkullimin e gjakut në penis pas stimulimit seksual, gjë e cila ju ndihmon ta mbani dhe arrini ereksionin.

Sa shpejt funksionon viagra dhe sa zgjat?

Pavarësisht miteve rreth kësaj pilule, viagra nuk ju sjell ereksion të menjëhershëm dhe nuk funksionon përveç nëse jeni të stimuluar seksualisht.Sidoqoftë, mund të fillojë të funksionojë brenda vetëm 30 minutave.

Për ta shijuar maksimumin e kësaj pilule, ju dhe partnerja duhet të angazhoheni në paralojë seksuale. Ndërkaq sa i përket zgjatjes së ereksionit, zakonisht largohet pasi ta keni kryer marrëdhënien. Megjithatë, nëse eksitoheni menjëherë pasi e keni kryer aktin seksual, atëherë viagra mund t’ju mundësojë ta keni edhe një ereksion tjetër deri në katër orë pasi ta keni përdorur pilulën.

A sjell rreziqe përdorimi i viagrës?

Po, viagra ka efekte anësore, ndër ankesat më të zakonshme përfshihet dhimbja e kokës, skuqja, marrja e mendve, bllokimi i hundëve, problemet me shikim, etj, por këto ndodhin te më pak se një në 10 meshkuj.

Sidoqoftë, nëse ereksioni zgjat më shumë se katër orë dhe keni dhimbje në gjoks apo humbje të papritur të shikimit, menjëherë shkoni te doktori.