Edhe pse vera ka përfunduar, ëndrra për të pasur bark të sheshtë nuk vdes asnjëherë. Fundja, duam të dukemi bukur në çdo stinë, por sidomos të ndihemi rehat me veten. Nuk ekziston asnjë magji për ta arritur këtë gjë brenda pak orësh, por ka disa sekrete që nëse i praktikoni do të arrini të shihni rezultatet brenda një jave. Nëse kërkoni më shumë, do t’iu duhen disa javë!

Si të keni bark të sheshtë brenda një jave:
1. Shmangni ushqimet e kripura, brumërat me maja (pica, bukë, briosh), ushqimet e skuqura e ato të përpunuara. Mos përdorni shumë bishtajorë, djathëra apo perime të ziera sepse krijojnë ajër. Mos pini birra, verë apo pije të tjera alkoolike.

Në vend të tyre hani: drithëra integrale, oriz, makarona integrale, mollë, dardha, ananas, shparguj dhe finok. Mund t’i thoni po edhe mishit të bardhë dhe peshkut.

Përpiquni të hani përditë një frut mes vaktit të mëngjesit dhe drekës. Bëni të njëjtën gjë edhe gjatë pasdites.

Pini rreth 2 lt ujë në ditë.

Bëni pak sport, të paktën tre herë në javë, duke u përqendruar te zona e barkut.