Mix
“I`m good” e Bebe Rexhës dhe David Guetta-s, kënga më e dëgjuar në planet (për momentin)
Këngëtarja e njohur shqiptare, Bebe Rexha, është duke shijuar një sukses të jashtëzakonshëm me këngën e saj të re në bashkëpunim me David Guetta.
“I’m good (Blue)” në bashkëpunim me DJ David Guettan është aktualisht kënga më e dëgjuar në planet. Faqja zyrtare Billboard Charts publikoi një status në rrjetin social Twitter, duke treguar pesë këngët më të dëgjuara dhe të shitura të javës.
Dhe në krye të këtij klasifikimi qëndron këngëtarja shqiptare me hitin e saj “I’m good (Blue)”. E lumtur për këtë sukses, Rexha ndau me 10.7 milionë ndjekësit e saj në InstaStory këtë status.
Ditë më parë, ajo theu rekordin duke arritur për herë të parë në karrierë që të ketë një këngë në vendin e parë, si kënga më e dëgjuar në Mbretërinë e Bashkuar.
