Mix
A ndihmon limoni për gurët në veshka?
Nga Dr. Alket Koroshi, mjek nefrolog
Një limon i plotë përmban 139 për qind të dozës së rekomanduar të vitaminës C. Kjo e bën limonin, një prej agrumeve më të mira për shëndetin e organizmit.
Përveç vitaminës C, limoni është i pasur edhe me vitaminën B6, A, E por edhe mineralet kalcium, hekur, magnez, kalium, zink, fosfor dhe bakër.
Limoni është një agrume e pasur me antioksidues që luftojnë sëmundjet si kanceri, diabeti, konstipacioni, tensioni i lartë i gjakut e të tjerë.
Në mjekësinë popullore besohet se lëngjet e pasura me vitaminë C mund të shkrijnë gurët në veshka, por këto pretendime nuk janë të mbështetura plotësisht nga shkenca.
Sidoqoftë, kjo e fundit pranon që lëngu i limonit është i mirë për shëndetin e veshkave.
Gurët e veshkave ndahen në 4 kategori sipas faktorit që nxit formimin e tyre.
Këtu përfshihet: faktori gjenetik, infeksioni në veshka, konsumi i tepruar i mishit, peshkut dhe guaskave të detit apo akumulimi i depozitave të kalciumit.
Gurët si pasojë e këtyre depozitave janë të zakonshme për ata që vuajnë nga këto gurë.
Si ndikon lëngu i limonit tek gurët në veshka
Lëngu i limonit përmban sasi të larta të acidit citrik dhe atij askorbik që njihet ndryshe si vitamina C. Këto acide ulin gjasat e formimit të gurëve në veshka si pasojë e depozitave të kalçiumit.
Citratet janë kripëra të acidit citrik që lidhen me kalciumin dhe bllokojnë formimin e gurëve. Duke marrë lëngun e dy limonëve të tretur në një gotë ujë çdo ditë, rriten citratet në urinë dhe pakësohet rreziku i gurëve në veshka.
Kësisoj, ekspertët thonë se lëngu i limonit mund të ndalojë formimin e gurëve në varësi të faktorit që i nxit ato.
Sasia e nevojshme e lëngut të limonit
Një sasi prej 60-120 ml lëng limoni ofron sasi të mjaftueshme të acidit citrik dhe shumë antioksidues që mirëmbajnë shëndetin e veshkave. Lëngu i limonit duhet të jetë i freskët dhe i shtrydhur nga një limon.
Lëngjet e paketuara nuk përmbajnë enzima apo ushqyes thelbësorë. Lëngun e limonit mund ta përzieni në çaj, mjaltë ose të bëni limonadë me të dhe ta pini rregullisht gjatë ditës.
