Kryesore
Kush e zbriti Amerikën e madhe në Lezhën e vogël ?!
Koment nga Podiumi.com
Habija e parë dhe e madhe me Amerikën ndodhi kur ambasadori Donald Lu fliste për Arben Ndokën
Habi e madhe, ambasadori i Amerikës së madhe kishte filluar të merrej me punët e vogla të Shqipërisë për më tepër të Lezhës
Habi e madhe
Ishte e qartë që Edi Rama i ardhur në pushtet me ndihmën e të fortëve, tani kërkonte të shpëtonte prej tyre.
Por jo në mënyrë burrërore dhe ballore por në mënyre hileqare dhe tinzare.
Kështu vazhdoi seria e denoncimeve nga ambasadori amerikan me shqipen e tij fëmijërore aqsa Shullazin e shqiptonte Shulazi.
Ironia ishte që çdo denoncim i tij i hapte rrugën Edi Ramës, i hiqte një pengesë atij.
Në syrin e shqiptarëve Amerika e madhe kishte filluar të dukej e vogël, si shqipja e Donaldit.
Por dilema vazhdonte, si ka mundësi që Amerika e madhe merret me emra lagjesh në Shqipëri.
Edvin hileqari tashmë kishte ndryshuar taktikë. Ose me saktë karakteri i tij prej skuthi e kishte çuar atë te kjo taktikë.
Njëherë fliste Donaldi pastaj vepronte Rama. Këtu fillon edhe zbritja e verseteve biblike nga qielli amelikan në drejtim të vendit tonë të vogël. Njerëzia filloi të besonte fenë e re amelikane.
E ka thënë Amelika dhe pikë, pa pyetur fare se ç’punë kishte Amerika e madhe me punët e Lezhës.
Amerika nuk kishte por Edvini po.
Për të mos e zgjatur, tani po dalin në dritë me fakte sesi paret e shqiptarëve lobonin në Amerikë që Donaldit t’i vinin urdhërat nga Amerika për t’i shërbyer Edvinit.
Dollarët janë të ëmbël dhe shijen e tyre e njeh më mirë se askush Amerika që i prodhon.
