Funerali i Mbretëreshës Elizabet e Dytë, mund të jetë ndër më të shtrenjtët në historinë e Britanisë së Madhe. Asnjë detaj shpenzimesh nuk është bërë deri më tani publik nga familja mbretërore, por ish-agjenti i zbulimit britanik Sajmën Morgan, për vite me radhë pjesë e stafit të sigurimit të monarkëve britanikë përllogarit një shumë minimale 7.5 milionë dollarëshe për vetëm një ditë.
Për Nju Jork Post-in, Morgan thotë se e përllogarit koston bazuar edhe tek ngjarjet e tjera të mëdha të familjes mbretërore,siç ishte martesa e princit Uilliam në 2011-ën për sigurinë e së cilës u shpenzuan rreth 7.2 milionë dollarë.

Nëse shuma e shpenzuar per funeralin është aq e lartë, kjo mund të jetë ceremonia më e kushtueshme në historinë e Britanisë së Madhe. Me kosto të tilla, ky pritet të jetë edhe viti më i kushtueshëm sa i përket shpenzimeve të familjes mbretërore, që vitin e kaluar arritën mbi 200 milionë dollarë, pa ceremoni të tilla para që pritet të dalin nga paratë e taksapaguesve.

Kjo i shton edhe një tjetër rekord, Elizabetës së dytë, e cila përveçse për mbretërimin më të gjatë 7 dekadësh, do të mbahet mend edhe për radhët rekord të pjesëmarrësve në homazhet e saj që arriti në 8 kilometra, e që ndoshta mund të jetë për rekord Gines.

nypost.com