Inceneratorët, Berisha thirrje qytetarëve: Koha për t’i bërë gjyqin publik Ramës dhe përgjegjësve të tjerë

Është koha, të dashur qytetarë, t’i bëjmë gjyqin publik Ramës, Agaçit, Ahmetajt dhe Velisë. Të cilët e ndjejnë se janë të pashpresë përpara jush dhe kanë filluar t’i përcjellin fajin njeri-tjetrit.

Teksa ka hedhur akuza ndaj zyrtarëve të lartë të qeverisë për përfshirje në “vjedhjen” përmes inceneratorëve, kryedemokrati Sali Berisha iu ka bërë thirrje qytetarëve që t’i bëjnë “gjyqin publik” qeverisë.

Duke e quajtur organizatë kriminale, Berisha tha se kanë nisur ta lënë fajin te njeri-tjetri. Sipas tij, SPAK është kthyer në mburojë të qytetarëve. Kryedemokrati i quajti përgjegjësit e të ashtëquajturës aferë e inceneratorëve, një ndër grupet më të rrezikshme kriminale në botë.

“Është koha, të dashur qytetarë, t’i bëjmë gjyqin publik Ramës, Agaçit, Ahmetajt dhe Velisë. Të cilët e ndjejnë se janë të pashpresë përpara jush dhe kanë filluar t’i përcjellin fajin njeri-tjetrit.

Jam këtu për të dënuar edhe njëherë këtë organizatë kriminale qeveritare dhe qëndrimin e SKAP që u shërben atyre si mburojë. Për t’u bërë thirrje qytetarëve me thirrjet e Frontit për Shpëtimin e Shqipërisë, për t’i bërë gjyqin publik kësaj organizate kriminale më të rrezikshme në Shqipëri, ndër më kriminalet në Europë dhe botë”, u shpreh kryedemokrati.